მათემატიკის საერთაშორისო დღე

 მათემატიკის საერთაშორისო დღე - 14 მარტი - π რიცხვის დღე. ამ დღესთან დაკავშირებით ქვაბისხევის საჯარო სკოლაში გაიმართა ღონისძიება დევიზით „ მათემატიკა უკეთესი სამყაროსთვის“. მოსწავლეებმა გაინაწილეს საჰაერო ბურთები ციფრებით , მოეწყვნენ π რიცხვის ციფრების შესაბამისი მიმდევრობით (π=3,1415926535897…) და სკოლის ეზოში დაწერეს რიცხვი π. ასევე გაიმართა გუნდურ-ინტელექტუალური თამაშის „ტვინების ბრძოლის“ შიდა სასკოლო ჩემპიონატი. გამარჯვებულ გუნდს გადაეცა დიპლომი. აღნიშნული ღონისძიების შედეგად მოსწავლეებში გაიზარდა მოტივაცია, უკეთ დაეუფლონ ისეთ უმშვენიერეს მეცნიერებას, როგორიცაა მათემატიკა.

ვრცლად

"აჩუქე ხეს სიცოცხლე"

              გარემოსდაცვითი და აგრარული განათლება სკოლაში“ პროგრამის ფარგლებში ქვაბისხევის საჯარო სკოლაში დაიწყო მუშაობა სასწავლო პროექტზე „აჩუქე ხეს სიცოცხლე“ . პროექტი კავშირშია მდგრადი განვითარების მე-15 მიზანთან: ხმელეთის ეკოსისტემების დაცვა, აღდგენა და მდგრადი გამოყენება, ტყის მდგრადი მართვა, გაუდაბნოების წინააღმდეგ ბრძოლა, ნიადაგის დეგრადაციის შეჩერება და აღდგენა-გაუმჯობესება, ბიომრავალფეროვნების კარგვის შეჩერება. პროექტის მიზანია მოსწავლეების გარემოსდაცვითი და აგრარული ცნობიერების დონის ამაღლება და მდგრადი განვითარებისათვის საჭირო უნარ-ჩვევების გამომუშავება. პროექტში წარმოდგენილი აქტივობების შესრულება საშუალებას მოგვცემს მოსწავლეებს განუვითარდეთ ისეთი უნარები, როგორიცაა: დისკუსია, მსჯელობა, კრიტიკული აზროვნება, საკუთარი აზრის გამოხატვა და დაცვა და სხვა. გაიმართა პირველი შეხვედრა, რომელზეც მოხდა პრობლემის გამოკვეთა, აქტუალობა.

ვრცლად

წიგნის საჯაროდ კითხვის დღე

                  წიგნის საჯაროდ კითხვის მსოფლიოს დღესთან დაკავშირებით ქვაბისხევის საჯარო სკოლის დაწყებითი საფეხურის მოსწავლეები შეუერთდნენ ამ საერთაშორისო ინიციატივას " ვიკითხოთ ხმამაღლა და შევცვალოთ სამყარო". მოსწავლეებმა ერთმანეთს წაუკითხეს საბავშვო მწერლის ვასო გულეურის ლექსები და მოთხრობები, გამართეს მსჯელობა ნაწარმოების გმირებზე, უპასუხეს შეკითხვებს და შეასრულეს ნახატები.

ვრცლად

საახალწლო ღონისძიება

 დაწყებითი საფეხურის მოსწავლეებმა გაგვილამაზეს საახალწო განწყობა ,  დამდეგი ახალი წელი მოგვილოცეს ლექსებითა და სიმღერებით. 

ვრცლად

უფლებათა დაცვის საერთაშორისო დღე

  სსიპ ბორჯომის მუნიციპალიტეტის სოფელ ქვაბისხევის საჯარო სკოლაში 2022 წლის 9 დეკემბერს გაიმართა ღონისძიება , რომელიც ეძღვნებოდა ადამიანის უფლებათა დაცვის საერთაშორისო დღეს. მოსწავლეებს შორის ადამიანის უფლებების მნიშვნელობის კუთხით სამოქალაქო ცნობიერების ამაღლებას და მათ პასუხისმგებლიან მოქალაქეებად ჩამოყალიბების ხელშეწყობას.

ღონისძიებაში ჩართული იყო III – IX კლასები. ხელმძღვანელი ისტორიისა და სამოქალაქო განათლების პედაგოგი მაია მელიქიძე.

ვრცლად

ნორჩი მხატვარი

  ქვაბისხევის საჯარო სკოლაში მოეწყო მე -8 კლასელის ქრისტინე ხაჭაპურიძის პერსონალური გამოფენა, ნათელი მომავალი და წარმატებები მის ახალ გატაცებას.

ვრცლად

მასწავლებელთა შეხვედრები

 „გარემოსდაცვითი და აგრარული განათლება სკოლაში“ პროგრამის ფარგლებში ქვაბისხევის საჯარო სკოლაში, ტრენინგზე მიღებული ცოდნის კოლეგებისთვის გაზიარების მიზნით, შედგა მასწავლებელთა სამუშაო შეხვედრა. შეხვედრის ძირითადი საკითხები იყო:

• მდგრადი განვითარების მიზნების მნიშვნელობის გაცნობიერება;

• განათლება მდგრადი განვითარებისთვის მნიშვნელობის გააზრება;

• მასწავლებლის როლის განსაზღვრა განათლება მდგრადი განვითარების პროცესში.

შეხვედრაზე ვისაუბრეთ ეროვნული სასწავლო პროგრამით განსაზღვრული პრიორიტეტული მიმართულების, გარემოს დაცვის საკითხების სწავლებაზე. გავიაზრეთ, რომ აღნიშნული მიმართულებით მოსწავლეთა ცნობიერების დონის ამაღლება ისევე წარმოადგენს სკოლებისა და მასწავლებლების ვალდებულებას, როგორც სწავლა/სწავლების საგნობრივ შედეგებზე მუშაობა.

ვიმსჯელეთ „განათლება მდგრადი განვითარებისთვის“ შესახებ, რომლის მიზანია ხელი შეუწყოს მდგრადი განვითარებისთვის საჭირო ცოდნის, უნარების, დამოკიდებულებების და ღირებულებების ჩამოყალიბებას, რაც თავისთავად განაპირობებს მდგრადი განვითარების მიზნების მიღწევას.

შეხვედრაზე მიმოვიხილეთ 8 სახელმძღვანელო - „გარემოსდაცვითი და აგრარული განათლება სკოლაში“. სახელმძღვანელოებში მოცემულია მრვალფეროვანი მასალა, რომელიც საშუალებას მოგვცემს მოსწავლეთა გარემოსდაცვითი და აგრარული ცნობიერების დონის ამაღლებას და მდგრადი განვითარებისთვის საჭირო უნარ-ჩვევების გამომუშავებას.

ვრცლად